ភ្នាក់ងាររបស់កីឡាករ Yaya Toure បានប្រកាសលើបណ្ដាញសង្គម Twitter ថា កីឡាករសញ្ជាតិកូឌីវ័រធ្វើតេស្ដពិនិត្យសុខភាពជាប់ហើយ ជាមួយក្លឹបមួយក្នុងទីក្រុងឡុងដ៏។
កិច្ចសន្យារបស់ Toureបានអស់ជាមួយ Man City កាលពីដើមរដូវក្ដៅនេះ ក្រោយរួមរស់នៅទីនោះអស់រយៈពេល៨ឆ្នាំ។ អតីតកីឡាកររបស់ Barcelona មិនទាន់ប្រកាស ពីក្លឹបបន្ទាប់ដែលត្រូវផ្លាស់ទៅទេ តែភ្នាក់ងាររបស់គេបានបង្ហើបឲ្យដឹងកាលពីម្សិលមិញពីព័ត៌មានខ្លះៗ។
Dimitry Seluk ដែលជាភ្នាក់ងារបានសរសេរលើបណ្ដាញសង្គម Twitter ថា៖ “Yaya Toureបានធ្វើតេស្ដពិនិត្យសុខភាពជាប់ក្នុងទីក្រុងឡុងដ៏។ Yaya ជិតចុះកុងត្រាថ្មីហើយ”។ គេបញ្ជាក់បន្ថែមថា ក្លឹបដែល Yaya ទៅមិនមែន West Ham ឬ Crystal Palace ទេ។ រកចាំមើលបន្តតើ Yaya Toure ទៅក្លឹបណា?
Via:news.sabay
