ក្លឹបធំអេស្ប៉ាញ Real Madrid ដែលមានរហ័សនាមថា: (ស្តេចសរ) បានយល់ព្រមទិញផ្ដាច់កុងត្រាយកខ្សែការពារកណ្ដាលសញ្ជាតិប្រេស៊ីល Eder Militao ពីក្លឹប Porto ក្នុងតម្លៃមិននឹកស្មាន៥០លានអឺរ៉ូ ហើយគេនឹងមកកាន់ទឹកដីអេស្ប៉ាញក្រោយចប់រដូវកាលនេះ។
ក្លឹបទាំងពីរ Real Madrid និង Porto បានប្រកាសការផ្ទេរនេះកាលពីយប់ម្សិលមិញ ដោយក្លឹបរបស់អេស្ប៉ាញមួយនេះបញ្ជាក់ថា កីឡាករវ័យ២១ឆ្នាំនឹងចុះកុងត្រារហូតដល់ឆ្នាំ២០២៣ ជាមួយពួកគេ។ ខ្សែការពារវ័យក្មេងរូបនេះគឺជាកីឡាកររបស់ Real ចុះកុងត្រាយកមកដំបូង បន្ទាប់ពីការត្រលប់មកវិញរបស់អតីតគ្រូបង្វឹក Zinedine Zidane។
កីឡាករ Eder Militao ត្រូវបានក្លឹប Porto ទិញយកពីក្លឹបប្រេស៊ីល Sao Paulo កាលពីខែ សីហាឆ្នាំ២០១៨។ គេបានបង្ហាញខ្លួន៣៤ប្រកួត ក្នុងរដូវកាលនេះ និងបានជួយអោយ Potor ឡើងវគ្គ៨ក្រុមចុងក្រោយថ្មីៗនេះផងដែរ៕
សូមទស្សនាថ្វីជើងរបស់ Eder Militao ខាងក្រោមនេះ:
ប្រភព៖ BBC
គ្រូបង្វឹក Zinedine Zidane ទិញបានខ្សែការពារ Eder Militao តម្លៃ៥០ លានអឺរ៉ូ
អត្ថបទទាក់ទង
