អ្នកគាំទ្រ Liverpool បានដុតកាំជ្រួចនៅខាងក្រៅសណ្ឋាគារស្នាក់នៅរបស់ក្លឹប Barcelona មុនការប្រកួតវគ្គពាក់កណ្ដាលផ្ដាច់ព្រ័ត្រ Champions League ជើងទីពីរ។ Klopp អ្នកចាត់ការទូទៅហង្សក្រហម បានចាត់ទុកក្រុមរបស់លោក «ជាយក្សផ្នែកស្មារតីប្រយុទ្ធ» ក្រោយពីពួកគេបានបំពេញការវាយបកដ៏អស្ចារ្យបំផុតមួយក្នុងប្រវត្តិសាស្ត្រនៃក្របខ័ណ្ឌ Champions League ដើម្បីផ្តួលក្រុម Barcelona ក្នុងលទ្ធផល ៤-០ និងដើម្បីឈានទៅវគ្គផ្តាច់ព្រ័ត្រសម្រាប់រយៈពេល២ឆ្នាំជាប់ៗគ្នា កាលពីថ្ងៃអង្គារ។
ការប្រកួតនៅជើងទីមួយសប្ដាហ៍មុនទឹកដី Camp Nou ហង្សក្រហមបានបរាជ័យយ៉ាងអាម៉ាសក្នុងលទ្ធផល ៣ទល់០។ ក៏ប៉ុន្តែសម្រាប់ជើងទីពីរនេះក្រុម Liverpool បានបង្កើតរឿងភ្ញាក់ផ្អើលដ៏អស្ចារ្យកាលពីយប់មិញ ដោយវាយបកយកឈ្នះ Barca វិញ ៤-០ នៅ Anfield ធ្វើឲ្យពួកគេមានឱកាសឡើងទៅវគ្គផ្ដាច់ព្រ័ត្រ នៃ Champions League ២រដូវកាលជាប់គ្នា។
យ៉ាងណាមិញមុនការប្រកួតជើងទីពីរកើតឡើងស្រាប់តែលេចវីដេអូមួយលើបណ្ដាញសង្គម ដោយអ្នកគាំទ្រ Liverpool បានទៅលួចដុតកាំជ្រួចនៅជិតសណ្ឋាគារ Hilton Hotel ក្នុងទីក្រុង Liverpool ដែលជាកន្លែងរបស់ក្រុមកីឡាករ Barcelona សម្រាក។ សំឡេងកាំជ្រួចបានបន្លឺឡើងនៅម៉ោង៤ទៀបភ្លឺ ហើយក្នុងវីដេអូគេឭអ្នកគាំទ្រម្នាក់និយាយថា ចង់ឲ្យ Messi ក្រោកឡើង៕
គ្រូបង្វឹក Jurgen Klopp បានបន្ថែមទៀតថា៖ «ការឈានទៅប្រកួតលើទីលាន និងការបង្ហាញពីទម្រង់លេងបែបនេះ ពិតជារឿងដ៏មិនគួរឲ្យជឿ។ ខ្ញុំពិតជាមានមោទនភាពក្នុងការក្លាយជាអ្នកចាត់ការទូទៅរបស់ក្រុមនេះ។ អ្វីដែលពួកគេបានធ្វើនៅរាត្រីនេះពិតជាពិសេស។ ខ្ញុំនឹងចងចាំជារឿងរហូត»៕
បន្ទាប់ពីយកឈ្នះ Bacelona ៤ទល់០ ក្រុម Liverpool ដុតកាំជ្រួចដល់ម៉ោង៤ទៀបភ្លឺ
អត្ថបទទាក់ទង
