ក្លឹប​ហុល្លង់ Ajax ក្លាយ​ជា​ក្លឹប​ដែល​បាន​លេង​បាន​ច្រើន​ប្រកួត​ជាង​គេ​ក្នុង​ UEFA Champions League នៅ​រដូវ​កាល ២០១៨/១៩ ដោយ​បាន​លេង​ចំនួន ១៧​ប្រកួត ហើយក៏បន្ត​ហ្វឹកហាត់​ត្រៀមខ្លួន​យ៉ាង​ល្អ​ មុន​ការ​ប្រកួត​ជើង​ទី​២ ​វគ្គ​ពាក់កណ្ដាល​ផ្ដាច់ព្រ័ត្រ UEFA Champions League ជួប Spurs រាត្រី​នេះ​។

ក្នុង​ចំណោម​ ១៧​ប្រកួត​នោះ​មាន​ដូច​ជា ៦​ប្រកួត​ក្នុង​វគ្គ​ជម្រុះ​នៃ UEFA Champions League ៦​ប្រកួត​ ក្នុង​វគ្គ​ចែក​ពូល ២​ប្រកួត​ក្នុង​វគ្គ ១៦​ក្រុម​ចុង​ក្រោយ ២​ប្រកួត​ក្នុង​វគ្គ ៨​ក្រុម​ចុង​ក្រោយ និង​១ប្រកួត​ទៀត​ត្រឹម​វគ្គ​ពាក់កណ្ដាល​ផ្ដាច់ព្រ័ត្រ​នេះ​ឯង​។ Ajax នៅតែ​បន្ត​មាន​ទំនុក​ចិត្ត​ក្នុង​ការ​ឡើង​វគ្គ​ផ្ដាច់ព្រ័ត្រ បន្ទាប់ពី​ទំលាក់​ជើងឯក​ ៣សម័យ​ជាប់​គ្នា Real Madrid និង​ទំលាក់​ជើងឯក​អ៊ីតាលី Juventus​។

Ajax ក្នុង​រដូវ​កាល​នេះ​ដែរ​ បាន​ធ្វើ​ឲ្យ​ពិភព​បាល់ទាត់​មាន​ការ​ចាប់​អារម្មណ៍​យ៉ាង​ខ្លាំង​ ដោយ​បាន​ទម្លាក់​ក្លឹប​ធំៗ​ដូច​ជា Real Madrid និង​ Juvenuts។​ ក្លឹប​នេះ​នឹង​បើកទ្វារ​កីឡដ្ឋាន​ Johan Cryuff ស្វាគមន៍​ Tottenham Hotspur ក្នុង​ជើង​ទី២ នៃ​វគ្គ​ពាក់កណ្ដាល​ផ្ដាច់ព្រ័ត្រ​ UCL ក្នុង​យប់​នេះ​ ម៉ោង​ ២ រំលង​អធ្រាត្រ ក្រុមនេះបន្ទាប់​ពី​ទើប​តែ​លើក​ពាន KNVB Cup កាលពី​ថ្ងៃអាទិត្យ ហើយ​កំពុង​នាំមុខ PSV នៅ​ក្រប​ខណ្ឌ​លី​គ​កំពូល​ហូ​ឡង់ ខណៈ​នៅ​សល់​ ២​ប្រកួត​ទៀត​ចប់​រដូវ​កាល​៕