បាល់ទាត់៖ ខ្សែការពារកណ្ដាល Aymeric Laporte របស់ក្រុម Manchester City បានទទួលវះកាត់ជោគជ័យលើរបួសជង្គង់ខាងស្ដាំរបស់ខ្លួន នៅមន្ទីរពេទ្យទីក្រុង Barcelona ប្រទេសអេស្ប៉ាញ បន្ទាប់ពីរងរបួសត្រូវបានសែងចេញ អំឡុងការប្រកួតដែល Manchester City ឈ្នះ Brighton ៤–០ ចុងសប្ដាហ៍កន្លងទៅ។
Aymeric Laporte បានរងរបួសនេះ ពីការប៉ះទង្គិចជាមួយខ្សែការពារ Brighton, Adam Webster ហើយការសម្រាកពីទីលានអាចច្រើនសប្ដាហ៍។ កីឡាករវ័យ ២៥ឆ្នាំរូបនេះបង្ហាញខ្លួនបាន ៣៥ប្រកួតរដូវកាលមុន។
របួសនេះនឹងធ្វើឲ្យខ្សែការពារសញ្ជាតិបារាំងរូបនេះ អវត្តមានពីក្រុមជំរើសជាតិ បន្ទាប់ពីត្រូវបានកោះហៅដោយគ្រូបង្វឹក Didier Deschamps មុនការប្រកួតជម្រុះ Euro ២០២០ ជាមួយអាល់បានី និងអង់ដូរ៉ា។ ចំណែកនៅ Manchester City អវត្តមានរបស់គេមានន័យថា Nicolas Otamendi និង John Stones នៅឈរតំណែងខ្សែការពារកណ្ដាលនេះ៕
អត្ថបទ៖នាង សុភាវុធ Credit:BTV
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
