អ្នកចាំទី Marc-Andre ter Stegen បានសង្គ្រោះការស៊ុតបាល់ប៉េណាល់ទីរបស់ Marco Reus ស្របពេលដែលក្រុម Barcelona បានគេចផុតពីការខកចិត្តដើម្បីបញ្ចប់ក្នុងលទ្ធផលស្មើ ០-០ ជាមួយនឹងក្រុម Borussia Dortmund ក្នុងការប្រកួតក្របខ័ណ្ឌ Champions League វគ្គចែកពូល កាលពីថ្ងៃអង្គារ។

អ្នកចាំទីសញ្ជាតិអាល្លឺម៉ង់រូបនេះ ក៏បានសង្គ្រោះបាល់ពីការស៊ុតរបស់ Reus ផងដែរ ខណៈដែលក្រុម Dortmund បានគ្រប់គ្រងស្ទើរតែទាំងស្រុងក្នុងតង់ទី២។ ក្រោយពីបានឃើញក្រុមរបស់លោកអាចគេចផុតពីការដាក់សម្ពាធយ៉ាងខ្លាំងក្លាពីក្រុម Dortmund លោក Valverde បានឲ្យដឹងថា៖ «ក្រុមនេះ បានជម្នះលើពេលវេលាដ៏អាក្រក់នៅថ្ងៃនេះ ជាពិសេសត្រូវអរគុណដល់ Ter Stegen»។

Ter Stegen បានប្រាប់ទូរទស្សន៍ Sky ថា៖ «វាជាការប្រកួតដ៏លំបាកមួយនៅថ្ងៃនេះ ហើយខ្ញុំគិតថា លទ្ធផលនេះគឺយុត្តិធម៌ បើគិតពីអ្វីដែលបានកើតឡើង។ Marco លេងបានយ៉ាងល្អនៅថ្ងៃនេះ ហើយពិតជាធ្វើឲ្យយើងរងនូវសម្ពាធ»។ ប៉ុន្តែ ក្រុម Dortmund និងប្រធានក្រុមរបស់ខ្លួនគឺ Reus ពិតជាស្តោកស្តាយចំពោះការខ្ជះខ្ជាយឱកាសជាច្រើន៕

សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង