លោក Jose Mourinho វ័យ ៥៦ ឆ្នាំបានអវត្តមានពីតួនាទីជាគ្រូបង្វឹកបាល់ទាត់ ចាប់តាំងពីត្រូវបានក្លឹបបិសាចក្រហម Man.United បញ្ចប់តួនាទីចាប់តាំងពីខែធ្នូ ឆ្នាំ២០១៨ មកម្លេះ។
បុរសសញ្ជាតិព័រទុយហ្គាល់រូបនេះគាត់បានច្រានចោលឪកាសការងារទៅដឹកនាំក្រុមជាច្រើនមានដូចជាក្រុម AS Monaco, Schalke និង AC Milan ជាដើម គឺសុទ្ធសឹងបានបរាជ័យក្នុងការទាក់ទាញ អ្នកចាត់ការទូទៅរហស្សនាម Special One ទៅកាន់ក្លឹបរបស់ពួកគេរៀងៗខ្លួន ខណៈសាមីខ្លួនបានបង្ហាញចេតនា ចង់វិលត្រឡប់ទៅកាន់ប្រទេសអេស្ប៉ាញជាមួយក្រុមចាស់គឺអធិរាជស Real Madrid។
បច្ចុប្បន្នក្នុងនាមជាពិធីករផ្នែកវិភាគកីឡារបស់ ទូរទស្សន៍ Sky Sports និងយោងតាមគេហទំព័រ Goal បានចុះផ្សាយថាលោក Mourinho ចាប់អារម្មណ៏តំណែងជាគ្រូបង្វឹកជំនួសតួនាទីលោក Zinedine Zidane នាពេលបច្ចុប្បន្ននេះក្រោយពីរូបលោកដឹកនាំក្លឹបរងបរាជ័យក្នុងលទ្ធផល ៣:0 ក្នុងការប្រកួតនៅក្របខណ្ឌ Champion League ជាមួយក្លឹបយក្សបារាំង Paris Saint-Germain នៅកីឡាដ្ឋាន Parc des Princes។
យោងគេហទំព័រ Oddschecker បានចុះផ្សាយថាលោក Mourinho មានភាគរយខ្ពស់ជាងគេក្នុងការផ្លាស់មកដឹកនាំក្រុមអធិរាជសខណៈគ្រូបង្វឹក Tottenham លោក Mauricio Pochettino ស្ថិតនៅលេខរៀងទី២ និងលេខរៀងទី៣គឺលោក Allegri ដែលបានចាកចេញពីក្លឹប Juventus កាលពីរដូវកាលមុនឈរនៅលេខរៀងទី៣។
ប្រភព:Sportbible
សូមចុចលីងនេះដើម្បីលៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
