គ្រូបង្វឹកហង្សក្រហម Liverpool លោក Jurgen Klopp នឹងអនុញ្ញាតិអោយខ្សែប្រយុទ្ធ Daniel Sturridge ចាកចេញពីក្រុមទៅកាន់ក្លឹបផ្សេងទៀតនៅរយៈពេលទីផ្សារដោះដូរកីឡាករកំពុងដំណើរការរយៈពេលជិតមួយខែនេះ ដោយយោងតាមគេហទំព័រ Sky នៅប្រទេសអ៊ីតាលីបានចុះផ្សាយ។
Sturridge បង្ហាញខ្លួនអោយ Liverpool បាន ១៣៣ប្រកួត និងរកគ្រាប់បាល់បាន ៦៣គ្រាប់ ក្រោយផ្លាស់ពីក្រុម Chelsea មក Anfield កាលពីឆ្នាំ២០១៣។ កីឡាករវ័យ វ័យ ២៨ឆ្នាំរូបនេះ មានការចាប់អារម្មណ៏ ក្នុងលក្ខ័ណ្ឌខ្ចីជើងពីក្រុមយក្សអ៊ីតាលី Inter Milan ខណៈក្រុម Sevilla នៅក្របខណ្ឌ La Liga របស់អេស្បាញ ក៏បង្ហាញការចាប់អារម្មណ៏ចង់ខ្ចីជើងខ្សែប្រយុទ្ធក្រុមជម្រើសជាតិអង់គ្លេសរូបនេះ មករួមក្រុមផងដែរ ប៉ុន្តែក្រុមហង្សក្រហមមានបំណងចង់លក់ចេញជាអចិន្រ្តៃយ៏ក្នុងតម្លៃ ៤០លានយូរ៉ូ(៣៥លានផោន) ខណៈកិច្ចសន្យារបស់គេនៅសល់ ១៨ខែទៀតជាមួយក្រុម Liverpool។
Sturridge បានព្យាយាមតស៊ូលេងដើម្បីជាប់ជាជម្រើស ១១នាក់ដំបូងនៅរដូវកាលនេះ ក្រោមការដឹកនាំរបស់គ្រូបង្វឹក អាឡឺម៉ង់លោក Jurgen Klopp ខណៈកៅអីរបស់គេត្រូវបានប្រជែងដោយខ្សែប្រយុទ្ធប្រេស៊ីល Roberto Firmino នារយៈកាលកន្លងមកនេះ។ Sturridge ខ្លួនឯងក៏ចង់ចាកចេញពីក្រុម Liverpool ផងដែរដើម្បីស្វែង រកក្លឹបដែលអាចជាប់បានចូលលេងទៀងទាត់ ដើម្បីមានឪកាសបង្ហាញខ្លួនអោយក្រុមជម្រើសជាតិអង់គ្លេស ក្នុងព្រឹត្តិការណ៏ World Cup ២០១៨ នាពេលខាងមុខនេះ។
គ្រូបង្វឹកហង្សក្រហម Liverpool លោក Jurgen Klopp នឹងអនុញ្ញាតិអោយខ្សែប្រយុទ្ធ Daniel Sturridge ចាកចេញនៅខែមករានេះ
អត្ថបទទាក់ទង