Mason Greenwood រកបាន ២ គ្រាប់សម្រាប់ការប្រកួតក្របខណ្ឌ Premier League ជាលើកដំបូ​ងខណៈ​បិសាច​ក្រហម Man. United វាយបកយកឈ្នះក្រុមភ្ញៀវ Bournemouthក្នុងលទ្ធផល ៥ ទល់និង២  ដែល​ជាលទ្ធផលរុញច្រានអោយក្លឹបរបស់លោក Eddie Howie ចាញ់ការប្រកួតក្រៅទឹកដីជាលើកទី៨ និង មិនដែល​ស្គាល់ឈ្នះរយៈពេល៥ប្រកួតចុងក្រោយនេះ។

ខ្សែប្រយុទ្ធឆ្នើមវ័យក្មេងក្រុមជម្រើសជាតិអង់គ្លេស Greenwood វ័យ ១៨ ឆ្នាំមានឪកាសវាយបកតាមស្មើ សម្រាប់ក្រុម​ម្ចាស់ផ្ទះបន្ទាប់ពី កីឡាករ Junior Stanislas  រកគ្រាប់បាល់នាំមុខមុន។ ខ្សែប្រយុទ្ធ​អន្តរជាតិ​អង់គ្លេស Marcus Rashfordក៏មានឪកាសបន្ថែមគ្រាប់បាល់ទី២នៅនាទី​ទី៣៥ដោយបាល់ពិន័យ១១ម៉ែត្រមុន​ពេលខ្សែ​ប្រយុទ្ធអន្តរជាតិបារាំង Anthony Martial បន្ថែមគ្រាប់បាល់ទី៣ដោយការស៊ុតពីចំងាយកោងចូល​ក្នុង​សំណាញទីយ៉ាងល្អ មុនបញ្ចប់តង់ទី១។

Bournemouth មានឪកាសវាយបកតាមពីក្រោយក្នុងលទ្ធផល៣ទល់និង២ បន្ទាប់ពីVARពិនិត្យឃើញថា​បាល់​បាន​ប៉ះដៃ​ខ្សែ​ការពារEric Bailly ខណៈកីឡាករKing ជាអ្នកធ្វើបានសម្រេចនៅដើមតង់ទី២។ក្រុមរបស់​គ្រូ​បង្វឹកលោកOle Solskjaer មិនបានបោះបង់ការប្រឹងប្រែងនិងបន្ថែមគ្រាប់បាល់ទី៤ ដោយកីឡាករ Greenwood មុនពេល Fernandes រកបានគ្រាប់ទី៥ក្នុងការប្រកួតនេះ។

គឺជាជ័យជំនះលើកទី១ ដែលMan.Utdរកបាន៥ គ្រាប់ក្នុងការប្រកួតក្របខ័ណ្ឌ Premier League ចាប់តាំងពី លោក Solskjaer ដឹកនាំក្រុមក្រោយផ្តួល Cardiff កាលពីខែធ្នូឆ្នាំ ២០១៨ក្នុងលទ្ធផល៥ទល់និង១ ។១៦ប្រកួត​ចុង​ក្រោយនេះ​Man.Utd មិនទាន់​ស្គាល់ចាញ់ទេ ក្រោយចាញ់Burnleyចាប់តាំងពីថ្ងៃ២២ ខែមករា ២០២០​មក។

វីដេអូ៖ Highlight