បរទេស៖ ក្រុមម្ចាស់ការពារជើងឯក Juventus បានកត់ត្រាជ័យជម្នះទាំងត្រដាបត្រដួសក្នុងលទ្ធផល ៣-១ លើក្រុមនៅសល់សមាជិកត្រឹមតែ១០នាក់ Sassuolo ដើម្បីកាត់បន្ថយគម្លាតតាមពីក្រោយក្រុមកំពូលតារាងទាំង៣ ក្នុងក្របខ័ណ្ឌ Serie A កាលពីថ្ងៃអាទិត្យ។
ក្រុមរបស់លោក Andrea Pirlo បានទទួលជ័យជម្នះជាលើកទី៣ជាប់ៗគ្នាជាលើកដំបូង នៅរដូវកាលនេះ ដើម្បីឡើងឈរលេខ៤ ដោយដេញតាមពីក្រោយក្រុមកំពុងនាំមុខ AC Milan ចំនួនពិន្ទុ ខណៈដែលនៅសល់១ប្រកួតក្នុងដៃ។ លោក Pirlo ដែលក្រុមរបស់លោកបានបញ្ចប់ការមិនស្គាល់ចាញ់របស់ AC Milan ត្រឹម២៧ប្រកួតកាលពីពាក់កណ្តាលសប្តាហ៍មុននោះ បានឲ្យដឹងថា៖ «វាពិតជាសំខាន់ណាស់ក្នុងការរក្សាការបន្តទៅមុខ និងឈ្នះនៅរាត្រីនេះ ពីព្រោះបើមិនអ៊ីចឹងទេ ការប្រកួតដែលបានលេងកាលពីថ្ងៃពុធនៅ San Siro គឺគ្មានន័យអ្វីសោះ»។
Sassuolo បានលេងការប្រកួតតង់ទី២ទាំងមូល ជាមួយនឹងការនៅសល់សមាជិកត្រឹមតែ១០នាក់ ក្រោយពី Pedro Obiang បានរងពិន័យកាតក្រហមសម្រាប់ការប្រព្រឹត្តកំហុសលើ Federico Chiesa។ លោក Pirlo បានបន្ថែមទៀតថា៖ «នេះគឺជាការប្រកួតដ៏ឈឺចាប់មួយ និងមានការគ្រប់គ្រងមិនល្អ ប៉ុន្តែ រឿងដ៏សំខាន់គឺការដណ្តើមបានជ័យជម្នះ បើទោះបីមិនមានការរៀបចំល្អបន្តិចក៏ដោយ»៕
ប្រភពព័ត៌មាន៖ Channel News Asia
