បរទេស៖ អ្នកចាត់ការទូទៅក្រុមសារិកាព្រៃ Newcastle លោក Steve Bruce បានទទួលស្គាល់ថាខ្លួនកំពុងតែ ដឹកនាំក្រុមអោយទទួលលទ្ធផលដ៏អាក្រក់បំផុតក្នុងរយៈពេល ២០ ឆ្នាំ បន្ទាប់ពី Newcastle រងបរាជ័យចាញ់ក្រុមភ្ញៀវ Leeds សម្រាប់ការប្រកួតលីកកំពូលអង់គ្លេសសប្តាហ៏ទី២០របស់ពួកគេ។
បរាជ័យក្នុងលទ្ធផល២ទល់និង១ ក្រោយពីគ្រាប់បាល់របស់ Raphinha និង Jack Harrison សម្រាប់ក្រុមភ្ញៀវទោះបីជា Miguel Almiron មានឪកាសវាយបកបាន១គ្រាប់វិញសម្រាប់ក្រុមម្ចាស់ផ្ទះ។ មានន័យថាបច្ចុប្បន្ននេះក្រុមលោក Bruce មិនដែលស្គាល់ឈ្នះសោះ ១១លើកគ្រប់ក្របខណ្ឌប្រកួត ស្រដៀងគ្នាទៅនិងអ្វីដែលគ្រូបង្វឹកសញ្ជាតិអង់គ្លេសរូបនេះធ្លាប់ដឹកនាំ Aston Villa មិនដែលឈ្នះសោះ១០ប្រកួតជាប់គ្នានៅ ចន្លោះខែធ្នូឆ្នាំ ២០១៦ និងខែកុម្ភៈឆ្នាំ ២០១៧។
Newcastle បច្ចុប្បន្នឈរនៅលេខរៀងទី១៦និងមាន៧ពិន្ទុនៅពីលើតំបន់កាត់ចោលខណៈក្រុម Leeds Utd មាន ៧ ពិន្ទុឈរ នៅចំណាត់ថ្នាក់លេខ ១២ ក្នុងតារាង៕
ប្រភពព័ត៍មាន៖ BBC
