បរទេស៖ បិសាចក្រហម Man. United បានបង្កើនគម្លាតពិន្ទុរបស់ខ្លួនជាលើកទី ៣ ក្នុងចំណោម ៤ ប្រកួតចុងក្រោយនៃលីគកំពូលអង់គ្លេសបន្ទាប់ពីមិនអាចរកគ្រាប់បាល់ក្នុងជំនួបជាមួយក្រុមកាំភ្លើងធំ Arsenal នៅកីឡដ្ឋាន Emirates កាលពីយប់ថ្ងៃសៅរ៏។
ការពិតក្រុមភ្ញៀវ Man.Utd មានឪកាសរកគ្រាប់បាល់បើកឆាកនៅតង់ទី១ដោយការស៊ុតជើងឆ្វេងដ៏ល្អរបស់ខ្សែបម្រើអន្តរជាតិប្រេស៊ីល Fred តែត្រូវអ្នកចាំទីBen Leno សង្គ្រោះបាល់បាន។ Cavani មានឪកាសល្អចំដល់ទៅពីរដងនៅចុងម៉ោងតង់ទី១និងទី២តែមិនមានសំណាងខណៈ Pepe របស់ Arsenal ព្យាយាមរកគ្រាប់បាល់ស៊ុតសំដៅទីតែមិនបានសម្រេច។ រឺឯ Lacazette ស៊ុតប៉ះបង្គោលទីខណៈការស៊ុតរបស់Smith Roweត្រូវអ្នកចាំទីDegea សង្រ្គោះបានដូចគ្នានៅតង់ទី២។
បញ្ចប់ការប្រកួតក្រុមទាំងពីរទទួលបាន១ពិន្ទុទៅផ្ទះរៀងខ្លួន។ រីឯលទ្ធផលសប្តាហ៏ទី២១នេះបាននាំអោយ Man.Utd មានគម្លាត៣ពិន្ទុពីក្រុមកំពូលតារាងMan.City ដែលបានផ្តួលSheffield Utd ក្នុងទឹកដីរបស់ខ្លួន ខណៈក្រុមលោកPep Guardiola មាន១ប្រកួតនៅក្នុងដៃ៕
ប្រភពព័ត៍មាន៖ BBC
