បរទេស៖ ខ្សែប្រយុទ្ធ Antoine Griezmann បានជួយឲ្យក្រុម Barcelona គេចពីការរងបរាជ័យកាលពីថ្ងៃពុធ ខណៈដែលក្រុមមានមូលដ្ឋាននៅ Catalonia មួយនេះ បានផ្តួលក្រុម Granada ក្នុងលទ្ធផល ៥-៣ បន្ទាប់ពីនាទីបន្ថែម១៥នាទី២ដង ដើម្បីទទួលជ័យជម្នះក្នុងការប្រកួតពាន Copa del Rey វគ្គ៨ក្រុមចុងក្រោយ ជើងទី២។
ក្រុម Barcelona ហាក់ដូចជាត្រូវរងបរាជ័យនៅកីឡដ្ឋាន Los Carmenes ទៅហើយ នៅពេលដែលក្រុម Granada បាននាំមុខ ២-០ ខណៈដែលនៅសល់រយៈពេលត្រឹមតែ១នាទីនៃម៉ោងធម្មតា ប៉ុន្តែ Griezmann បានស៊ុតបាល់បញ្ចូលទី១គ្រាប់ នៅនាទី ទី៨៨ ហើយបន្ទាប់មក ជួយឲ្យ Jordi Alba រកបានគ្រាប់បាល់តាមស្មើនៅនាទី ទី៩២។ Griezmann បានតែតបាល់បំប៉ោងសំណាញ់ទី ដើម្បីជួយឲ្យក្រុមខ្លួននាំមុខមុននៅនាទីបន្ថែម១៥នាទី២ដង នៅមុនពេលកីឡាករ Fede Vico របស់ក្រុម Granada បានរកគ្រាប់បាល់តាមស្មើវិញក្នុងលទ្ធផល ៣-៣ តាមរយៈការស៊ុតបាល់ប៉េណាល់ទី។ ប៉ុន្តែ ការស៊ុតបាល់ពីចម្ងាយចូលទីយ៉ាងល្អរបស់ Frenkie de Jong និងគ្រាប់បាល់បញ្ចូលទីពី Alba ដែលក៏ក្រោមជំនួយពី Griezmann បានជួយឲ្យក្រុម Barcelona ឈានទៅវគ្គពាក់កណ្តាលផ្តាច់ព្រ័ត្រតែម្តង។
Griezmann បានឲ្យដឹងថា៖ «នេះគឺជាការប្រកួតដណ្តើមបានដ៏អស្ចារ្យ និងរំភើប»៕
ប្រភពព័ត៌មាន៖ Channel News Asia
