បរទេស៖ លោក Ole Gunnar Solskjaer បញ្ជាក់ថា ក្រុម Manchester United បានរងឥទ្ធិពលជាអជវិជ្ជមានដោយសារតែអ្នកចាត់ការទូទៅរបស់ក្រុមបដិបក្ខ ទាក់ទងនឹងកំណត់ត្រានៃទទួលបានបាល់ប៉េណាល់ទី ក្រោយពីមិនទទួលបានបាល់ពិន័យ១១ម៉ែត្រ ក្នុងពេលបញ្ចប់ក្នុងលទ្ធផលស្មើ ០-០ នៅលើទឹកដីក្រុម Chelsea កាលពីថ្ងៃអាទិត្យ។
ក្រុមកីឡាករ Man United បានផ្ទុះកំហឹងយ៉ាងខ្លាំងនៅពេលដែលលោកអាជ្ញាកណ្តាល Stuart Attwell បានស្ថិតនៅទ្រឹងមិនផ្តល់បាល់ប៉េណាល់ទី១គ្រាប់ ចំពោះការធ្វើឲ្យបាល់ប៉ះដៃពីសំណាក់កីឡាករ Callum Hudson-Odoi បើទោះបីត្រូវបានស្នើឲ្យធ្វើការត្រួតពិនិត្យឡើងវិញទៅលើសកម្មភាពនេះ តាមរយៈវីដេអូជំនួយការអាជ្ញាកណ្តាល (VAR) នៅតង់ទី១ក៏ដោយ។ ក្រុមបិសាចក្រហម បានទទួលបាល់ប៉េណាល់ទីដល់ទៅ២២លើក ក្នុងការប្រកួតក្របខ័ណ្ឌ Premier League បើគិតចាប់តាំងពីដើមរដូវកាលមុន ពោលគឺជាច្រើនជាងក្លិបផ្សេងៗដាច់ ដែលនាំឲ្យអ្នកចាត់ការទូទៅរបស់ក្រុម Liverpool លោក Jurgen Klopp និងអតីតគ្រូបង្វឹករបស់ក្រុម Chelsea លោក Frank Lampard ចោទសួរជាសំណួរថា ហេតុអ្វីបានជាក្រុមរបស់ពួកគេមិនទទួលបានការកាត់សេចក្តីដូចគ្នាពីអាជ្ញាកណ្តាល។
លោក Solskjaer បាននិយាយទាំងខឹងថា៖ «នេះគឺដោយសារតែឥទ្ធិពលមកពីខាងក្រៅ។ នោះគឺជាបង្កើតឥទ្ធិពលលើអាជ្ញាកណ្តាល។ យើងបានឃើញថា មានការពិភាក្សាគ្នាជាច្រើនអំពីយើង ទាក់ទងនឹងការទទួលបាល់ប៉េណាល់ទី ដែលមិនមែនជារឿងគួរឲ្យសង្ស័យ ហើយនៅថ្ងៃនេះ យើងគួរតែទទួលបានបាល់ប៉េណាល់ទី ព្រោះជាកំហុសយ៉ាងច្បាស់»៕
ប្រភពព័ត៌មាន៖ Channel News Asia
