បរទេស៖ ខ្សែប្រយុទ្ធ Antoine Griezmann បានទទួលស្គាល់ថា ក្រុម Barcelona ពិតជាខកចិត្តខ្លាំង ក្រោយពីធ្លាក់ចេញពីក្របខ័ណ្ឌ Champions League ត្រឹមវគ្គ១៦ក្រុមចុងក្រោយ កាលពីថ្ងៃពុធ ខណៈដែលការទទួលបានលទ្ធផលស្មើ ១-១ នៅលើទឹកដីក្រុម Paris Saint-Germain បានជួយឲ្យក្រុមយក្សអេស្ប៉ាញមួយនេះ ចាញ់ក្នុងលទ្ធផលទាំង២ជើង ៤-១។
ក្រោយពីក្រុម Barca បានព្យាយាមស៊ុតបាល់សម្តៅទី២០លើក ប៉ុន្តែ បានស៊ុតបាល់បញ្ចូលទីត្រឹមតែ១លើកតាមរយៈគ្រាប់បាល់ដ៏ល្អរបស់ Lionel Messi នៅតង់ទី១។ បន្ទាប់មក ការស៊ុតបាល់ប៉េណាល់ទីរបស់ខ្សែប្រយុទ្ធ Messi ត្រូវបានសង្គ្រោះដោយអ្នកចាំទី Keylor Navas ខណៈដែលក្រុម Barcelona មិនអាចបង្កើតការភ្ញាក់ផ្អើលពេលប្រកួតជាមួយនឹងក្រុម PSG ដូចកាលពីឆ្នាំ២០១៧ឡើយ ដែលនៅពេលនោះពួកគេបានរងបរាជ័យក្នុងលទ្ធផល ៤-០ ក្នុងការប្រកួតជើងទី១ក្នុងទីក្រុងប៉ារីស ប៉ុន្តែ បានយកឈ្នះក្នុងលទ្ធផល ៦-១ ក្នុងការប្រកួតជើងទី២។
Griezmann បានបន្ថែមទៀតថា៖ «យើងបាននិយាយថា យើងនឹងព្យាយាមឲ្យអស់ពីសមត្ថភាព ហើយយើងមិនអាចធ្វើបានឡើយ។ យើងនៅសល់តែពានក្របខ័ណ្ឌលីក និងពានក្នុងស្រុកប៉ុណ្ណោះ ហើយយើងត្រូវតែផ្តោតលើការប្រកួតទាំងនោះ»៕
ប្រភពព័ត៌មាន៖ Channel News Asia
