បរទេស៖ ខ្សែប្រយុទ្ធ Lionel Messi បានស៊ុតបាល់បញ្ចូលទី២គ្រាប់ក្នុងការបង្ហាញខ្លួនជាលើកទី៧៦៨របស់គេកាលពីថ្ងៃអាទិត្យ ខណៈដែលក្រុម Barcelona បានវាយបកផ្តួលក្រុម Real Sociedad ក្នុងលទ្ធផល ៦-១ ដើម្បីរក្សាការដាក់សម្ពាធលើក្រុម Atletico Madrid ដែលបានផ្តួលក្រុម Alaves ទាំងប្រផិតប្រផើយ ក្រោយពីការសង្គ្រោះបាល់ដ៏ល្អរបស់ Jan Oblak។
ការសង្គ្រោះបាល់នៅនាទី ទី៨៦របស់អ្នកចាំទី Oblak ដើម្បីរារាំងការព្យាយាមស៊ុតបាល់បញ្ចូលទីរបស់ Joselu និងជួយឲ្យក្រុមដណ្តើមបានជ័យជម្នះ ១-០ តាមរយៈគ្រាប់បាល់របស់ Luis Suarez នៅកីឡដ្ឋាន Wanda Metropolitano។ ជ័យជម្នះនេះ ធ្វើឲ្យក្រុម Atletico នៅតែនាំមុខ៤ពិន្ទុនៅលើកំពូលតារាង La Liga ខណៈដែលនៅសល់ការប្រកួត១០លើកទៀត។ ប៉ុន្តែ ភាពផ្ទុយគ្នារវាងការដណ្តើមបានជ័យជម្នះដ៏ស្តួចស្តើងរបស់ Atletico លើក្រុមឈរលេខ១៩ Alaves និងជ័យជម្នះរបស់ក្រុម Barca លើក្រុម Real Sociedad បង្ហាញឲ្យឃើញពីសន្ទុះនៃការប្រជែងដណ្តើមពានលីករបស់អេស្ប៉ាញ។
ក្រុម Atletico សង្ឃឹមថា ការសង្គ្រោះបាល់របស់ Oblak អាចបង្ហាញពីចំណុចផ្លាស់ប្តូរមួយ ក្រោយពីជួបសប្តាហ៍ដ៏ត្រដាបត្រដួស ស្របពេលដែលការសម្រាកសម្រាប់ការប្រកួតអន្តរជាតិ អាចនឹងផ្តល់ឱកាសដល់ក្រុមរបស់លោក Diego Simeone រៀបចំឡើងវិញ និងមានភាពក្លែវក្លាជាថ្មី៕
ប្រភពព័ត៌មាន៖ Channel News Asia
