បរទេស៖ ក្របខណ្ឌ Premier  league បានប្រកាសថាអ្នកគាំទ្រទាំងអស់នឹងត្រូវបានអនុញ្ញាតិអោយវិលត្រលប់មកចូលរួមទស្សនាការ​ប្រកួតដល់ក្នុងកីឡាដ្ឋានសាជថ្មីឡើងវិញសម្រាប់សប្តាហ៏ទី៣៧  និង ៣៨ មុនបិទបញ្ចប់រដូវកាល ២០២០-២០២១​នេះ។

ទោះយ៉ាណាគណៈកម្មការរៀបចំការប្រកួតនឹងបើកអោយអ្នកគាំទ្រអាចទិញសំបុត្រចូលទស្សនារហូតដល់ ១០,០០០ នាក់​សម្រាប់ការប្រកួតនៅថ្ងៃទី ១៨ និង ១៩ ខែឧសភានិងជុំទី ៣៨ដែលជាសប្តាហ៏បញ្ចប់រដូវកាលនិងប្រព្រឹត្តទៅនៅថ្ងៃទី ២៣ ខែឧសភា ២០២១ ខណៈដែលរដ្ឋាភិបាលចក្រភពអង់គ្លេសមានផែនការបន្ធូរបន្ថយការរឹតបន្តឹងនេះ ចាប់ពីថ្ងៃទី ១៧ ខែឧសភានេះតទៅហើយ។

មួយវិញទៀតក្របខ័ណ្ឌលីកកំពូលអង់គ្លេសនៅមិនទាន់បានបញ្ជាក់ថាតើការបន្ធូរបន្ថយនោះនឹងតម្រូវ​អោយអ្នកចូល​ទស្សនា​​មានអ្វីខ្លះជាសំអាង ក្រោយពីអ្នកគាំទ្រដែលចូលរួមទស្សនាផ្ទាល់ការប្រកួតផ្តាច់ព្រ័ត្រពានរង្វាន់ Carabao Cup វគ្គ​ផ្តាច់ព្រ័ត្រកាលពីខែមុនគែតម្រូវឱ្យអ្នកទស្សនាមានភ័ស្តុតាងការធ្វើតេស្តវេជ្ជសាស្រ្តបញ្ជាក់ពីលទ្ធផលខ្លួន​ឯងគឺអវិជ្ជមាន​រហូតដល់ទៅពីរដងឯណោះទើបអនុញ្ញាតិអោយ​ចូលទស្សនា​ក្នុង​កីឡ​ដ្ឋាន Wembley៕

ប្រភពព័ត៍មាន៖ Metro