បរទេស៖ ក្រុម Manchester City របស់ក្រុម Pep Guardiola ត្រូវការពេលត្រឹមតែ៩០នាទីទៀតប៉ុណ្ណោះ ដើម្បីលើកពាន ហេតុនេះ ពួកគេពិតជាស្រេកឃ្លានណាស់ ប៉ុន្តែ ក្រុម Chelsea ដែលបានបង្ហាញពីកម្រិតលេងដ៏ខ្លាំងក្នុងរយៈពេលប៉ុន្មានខែចុងក្រោយនេះ កំពុងតែឈរនៅចំកណ្តាលផ្លូវរបស់ពួកគេ ក្នុងការប្រកួតក្របខ័ណ្ឌ Champions League វគ្គផ្តាច់ព្រ័ត្រក្នុងទីក្រុង Porto ប្រទេសព័រទុយហ្គាល់ នៅថ្ងៃសៅរ៍នេះ។
នេះគឺជាការប្រកួតគ្នារវាងក្រុមអង់គ្លេសដូចគ្នា ក្នុងវគ្គផ្តាច់ព្រ័ត្រជាលើកទី៣ក្នុងក្របខ័ណ្ឌអឺរ៉ុប និងជាលើកទី៣ក្នុងរយៈពេល៣រដូវកាល ហើយនេះគឺជាការជួបប្រកួតគ្នាដែលនឹងបង្ហាញពីភាពខ្លាំងរបស់ក្រុមអង់គ្លេសផងដែរ។ ក្លិបទាំង២សុទ្ធសឹងបានកែរទម្រង់លេងយ៉ាងល្អដូចគ្នាក្នុងរយៈពេល២ទសវត្សរ៍ចុងក្រោយនេះ ក្រោមការឧបត្ថម្ភហិរញ្ញវត្ថុដ៏ច្រើនសន្ធឹកសន្ធាប់ពីមហាសេដ្ឋកិច្ចក្រៅស្រុក ខណៈដែលពួកគេបានធ្វើឲ្យក្របខ័ណ្ឌ Premier League ឈានទៅកាន់កម្រិតខ្លាំងមួយកម្រិតទៀត។
នេះគឺជារឿងដែលមិនគួរឲ្យជឿឡើយ ដែលក្រុម Chelsea និង Man City ត្រូវជួបគ្នាក្នុងការប្រកួតដ៏សំខាន់បំផុត និងធំបំផុតក្នុងក្របខ័ណ្ឌកម្រិតក្លិប។ ការជួបគ្នាតែ១លើកកាលពីមុនរបស់ពួកគេ ក្នុងវគ្គផ្តាច់ព្រ័ត្រ បានកើតឡើងក្នុងឆ្នាំ១៩៨៦ ក្នុងពាន Full Members Cup ដែលនៅពេលនោះ Chelsea បានយកឈ្នះ ៥-៤ នាកីឡដ្ឋាន Wembley៕
ប្រភពព័ត៌មាន៖ Channel News Asia
