បរទេស៖ ក្រុមបិសាចក្រហម Manchester United បានប្រកាសជាផ្លូវការណ៏ថាពួកគេនឹងបង្កើតក្រុមប្រឹក្សាផ្តល់យោបល់សម្រាប់អ្នកគាំទ្រ ដើម្បីធានាថាទស្សនវិស័យរបស់ពួកគេនិងជាចំណែកមួយដ៏សំខាន់ដើម្បីយកមកអភិវឌ្ឍនិងដំណើរការនៃការសម្រេចចិត្តរបស់ក្លឹប ។
ក្លឹបជើងឯកអង់គ្លេស២០សម័យនេះក៏បានបញ្ជាក់ផងដែរថាពួកគេបានផ្តួចផ្តើមការសន្ទនាដោយផ្ទាល់ជាមួយ MUST (Manchester United Supporters Trust) ក្នុងគោលបំណងដើម្បីកំណត់អត្តសញ្ញាណសម្រាប់កម្មវិធីចែករំលែកពត៌មានដល់អ្នកគាំទ្រគោលបំណងដើម្បីទទួលបានអត្ថប្រយោជន៍ទៅវិញទៅមក។
ការប្រកាសនេះត្រូវបានធ្វើឡើងបន្ទាប់ពីសហប្រធានក្លឹបនិងជាមហាសេដ្ឋីសញ្ជាតិអាមេរិកលោកJoel Glazer បានចូលរួមក្នុងវេទិកាអ្នកគាំទ្រលើកដំបូងរបស់លោកកាលពីថ្ងៃសុក្រម្សិលមិញនេះ។ លោក Glazer ក៏បាននិយាយនៅក្នុងសេចក្តីថ្លែងការណ៍មួយដែលត្រូវបានដកស្រង់នៅលើគេហទំព័រផ្លូវការរបស់ក្លឹប ថាៈ ខ្ញុំរីករាយដែលបានចូលរួមវេទិការបស់អ្នកគាំទ្រដើម្បីស្តាប់ទស្សនៈរបស់អ្នកគាំទ្រដោះស្រាយសំណួររបស់ពួកគេនិងចែករំលែកក៏ដូចជាកែលំអរគំនិតនិងអំពីវិធីដែលយើងធ្វើ ការជាមួយគ្នា។ក្នុងនាមជាម្ចាស់យើងចង់បានដូចគ្នានឹងអ្នកគាំទ្រដែរគឺអោយក្រុមទទួលបានជោគជ័យនិងខ្លាំងក្លាហើយយើងចង់ធ្វើការធ្វើការងារជាដៃគូសហការដើម្បីសម្រេចគោលបំណងទាំងនោះ៕
ប្រភពព័ត៍មាន៖ Sportsmole
