បរទេស៖ ការជឿជាក់របស់លោក Luis Enrique បានជួយឲ្យក្រុមបាល់ទាត់ជម្រើសជាតិអេស្ប៉ាញ ឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Euro ឆ្នាំ២០២០ ប៉ុន្តែ អតីតគ្រូបង្វឹករបស់ក្លិប Barcelona រូបនេះ មានគំនំផ្ទាល់ខ្លួនមួយទៀត ដែលត្រូវដោះស្រាយ ក្នុងការប្រកួតវគ្គ៤ក្រុមចុងក្រោយជាមួយនឹងក្រុមជម្រើសជាតិអ៊ីតាលី នៅរាត្រីនេះ។
លោក Luis Enrique បានឲ្យដឹងថា៖ «ខ្ញុំតែងតែបាននិយាយថា យើងជាក្រុមមួយក្នុងចំណោមក្រុមទាំង៨ដែលមានក្តីសង្ឃឹមខ្ពស់ក្នុងការលើកបាន Euro ហើយពេលនេះ យើងកំពុងតែស្ថិតក្នុងចំណោមក្រុមខ្លាំងបំផុតហើយ»។ ទោះបីជាយ៉ាងណា រឿងដ៏គួរឲ្យចងចាំបំផុតក្នុងអាជីពជាកីឡាកររបស់លោកនាយុទ្ធនាការធំៗ គឺការរងនូវការវាយកែងពីកីឡាករ Mauro Tassotti ដែលបានធ្វើឲ្យលោកហូរឈាមស្រោចពេញអាវសនៃក្រុមជម្រើសជាតិអេស្ប៉ាញពីច្រមុះរបស់លោក ក្នុងព្រឹត្តិការណ៍ World Cup ឆ្នាំ១៩៩៤។ Tassotti មិនបានរងពិន័យអ្វីឡើយក្នុងពេលនោះ ខណៈដែលក្រុមបាល់ទាត់ជម្រើសជាតិអេស្ប៉ាញ ត្រូវបានសម្រេចមិនផ្តល់បាល់ប៉េណាល់ទីឲ្យនៅជិតបញ្ចប់ការប្រកួត និងបាត់បង់ឱកាសក្នុងការធ្វើឲ្យការប្រកួតឈានដល់នាទីបន្ថែម១៥នាទី២ដង ខណៈដែលអ៊ីតាលី បានទទួលជ័យជម្នះក្នុងលទ្ធផល ២-១។
ក្រោយមក FIFA បានដាក់ពិន័យព្យួរដល់ខ្សែការពាររបស់អ៊ីតាលីរូបនោះ ចំនួន៨ប្រកួត ប៉ុន្តែ ការខាតបង់ដ៏ធំបានកើតឡើងរួចជាស្រេចសម្រាប់អេស្ប៉ាញ ខណៈដែលពួកគេបានធ្លាក់ចេញត្រឹមវគ្គ៨ក្រុមចុងក្រោយ៕
ប្រភពព័ត៌មាន៖ Channel News Asia
