បរទេស៖ Harry Kane បាននិយាយថា ក្រុមបាល់ទាត់ជម្រើសជាតិអង់គ្លេស ត្រូវតែយកជ័យជម្នះក្នុងការប្រកួតព្រឹត្តិការណ៍ Euro ឆ្នាំ២០២០ វគ្គពាក់កណ្តាលផ្តាច់ព្រ័ត្រពេលប្រកួតជាមួយនឹងក្រុមជម្រើសជាតិដាណឺម៉ាក ឲ្យបាននៅរាត្រីនេះ ដើម្បីបង្ហាញថាពួកគេពយកគេស័ក្កសមក្នុងការស្ថិតក្នុងចំណោមក្រុមខ្លាំងបំផុតក្នុងពិភពលោក។
អង់គ្លេស មិនធ្លាប់បានឈានទៅប្រកួតវគ្គផ្តាច់ព្រ័ត្រនៃយុទ្ធនាការ Euro សោះ និងបានឈ្នះពានធំមួយជាលើកចុងក្រោយក្នុងព្រឹត្តិការណ៍ World Cup ឆ្នាំ១៩៦៦។ ការបង្ហាញពីកម្រិតលេងដ៏គួរឲ្យចាប់អារម្មណ៍របស់ពួកគេ ដើម្បីឈានទៅវគ្គពាក់កណ្តាលផ្តាច់ព្រ័ត្រនៃយុទ្ធនាការធំមួយជាលើកទី២ បន្ទាប់ពីព្រឹត្តិការណ៍ World Cup ឆ្នាំ២០១៨ បាននាំឲ្យមានការពិភាក្សាគ្នាជាច្រើនទៅលើដំណាក់កាលនៃការគ្រប់គ្រងរបស់ក្រុមដែលរហស្សនាមថា តោកំណាចទាំង៣មួយនេះ។ ជាមួយគ្នានេះ Kane ដែលជាប្រធានក្រុមនៃក្រុមជម្រើសជាតិអង់គ្លេស ទទួលស្គាល់ថា វាដល់ពេលហើយសម្រាប់ក្រុមរបស់គេ ក្នុងការបោះមួយជំហានទៀតទៅកាន់វគ្គផ្តាច់ព្រ័ត្រ។
Kane បានឲ្យដឹងថា៖ «នេះគឺជាឱកាសមួយក្នុងការឈានទៅកាន់កម្រិតនោះ និងបង្ហាញពីកម្រិតខ្លាំង។ យើងអាចនិយាយច្រើនតាមដែលយើងចង់ ប៉ុន្តែ ខ្សែបន្ទាត់ខាងក្រោមគឺថា យើងត្រូវតែលេងឲ្យបានល្អ។ យើងអាចទៅលេង និងលេងដោយសេរី រីករាយនឹងការប្រកួត ប៉ុន្តែ ត្រូវតែមានការផ្តោតអារម្មណ៍យ៉ាងពិតប្រាកដ ដើម្បីព្យាយាមទៅវគ្គផ្តាច់ព្រ័ត្រ។ អង់គ្លេស គឺជាក្រុមមានក្តីសង្ឃឹមខ្ពស់ក្នុងការផ្តួលដាណឺម៉ាក ពីមុខអ្នកគាំទ្រដល់ទៅ៦០.០០០នាក់ នាកីឡដ្ឋាន Wembley៕
ប្រភពព័ត៌មាន៖ Channel News Asia
