បរទេស៖ គ្រូបង្វឹកក្រុមបិសាចក្រហម Man. Utd លោក Ole Gunnar Solskjaer បានបង្ហាញថា Jadon Sancho និង Edinson Cavani នឹងចូលរួមហ្វឹកហាត់ជាមួយក្រុមនៅសប្តាហ៍ក្រោយមុនការប្រកួតបើកឆាកក្របខណ្ឌ Premier League រដូវកាលថ្មីជាមួយ Leeds United នៅ Old Trafford នៅថ្ងៃទី ១៤ ខែសីហាមុនពេលជួប Southampton និង Wolverhampton Wanderers។
សម្រាប់ Sancho នៅឡើយចូលរួមហ្វឹកហាត់ជាមួយក្រុមថ្មីរបស់ខ្លួននៅឡើយទេ ក្រោយសម្រាកវិស្សមកាលបន្ទាប់ពីបញ្ចប់ព្រឹត្តការណ៏ Euro 2020 សម្រាប់ប្រទេសអង់គ្លេសខណៈ Cavani ដែលបានបង្ហាញខ្លួនអោយអ៊ុយរូហ្គាយនៅការប្រកួតពានរង្វាន់ Copa America ក៏មិនទាន់បានវិលត្រលប់មកកាន់ប្រទេសអង់គ្លេសវិញនៅឡើយដែរ។
មានន័យយថាកីឡាករទាំងពីរនិងមិនទាន់មានវត្តមានបង្ហាញខ្លួនក្នុងជំនួបមិត្តភាពជាមួយEverton នៅ នៅថ្ងៃសៅរ៍នេះទេ ទោះយ៉ាងណាលោក Solskjaer ត្រូវបានដកស្រង់សម្តីដោយគេហទំព័រផ្លូវការរបស់ក្លិបយ៉ាងដូច្នេះថាៈ ពួកគេនិងវិលត្រលប់មកចូលរួមជាមួយយើង នៅបន្ទាប់ពីចុសប្តាហ៍នេះ។ មានចម្ងល់ជាច្រើនថា ហេតុអ្វីបានជាពួកគេមិនទាន់ចូលរួមជាមួយយើងប៉ុន្តែវាជារដូវកាលដ៏វែងជាមួយកាតព្វកិច្ចលើឆាកអន្តរជាតិហើយពួកគេត្រូវឈប់សម្រាកបន្ថែមទៀត ។
សម្រាប់ខ្សែការពារ Raphael Varane បច្ចុប្បន្នកំពុងស្ថិតនៅទីក្រុង Manchester និងត្រៀមបង្ហាញខ្លួនជាមួយក្លឹបជាផ្លូវការណ៏ដោយ ចុះហត្ថលេខាលើកិច្ចសន្យារយៈពេលវែងជាមួយក្លឹបក្នុងពេលដ៏ខ្លីខាងមុខនេះ៕
ប្រភពព័ត៍មាន៖ Sportsmole
