បរទេស៖ Kylian Mbappe ទើបតែបានច្រានចោលការព្យាយាមបន្តកុងត្រាចុងក្រោយពីសំណាក់ក្លឹប Paris Saint-Germain  ខណៈដែលនៅ​សល់​តែមួយឆ្នាំទៀតប៉ុណ្ណោះលើកិច្ចសន្យាដែលមានសុពលភាព ខណៈដែលក្រុមយក្សអេស្បាញ Real Madrid នៅតែអន្ទងតាមប្រម៉ាញ់​យក​រូបគេមិនឈប់ឈររហូតដល់ពេលទីផ្សារដោះដូរកីឡាករបានបិទបញ្ចប់ជាលើកទី១កាលពីថ្ងៃ៣១សីហា ២០២១ កន្លងទៅ។

ទោះ​បីជា​ប្រធានក្លឹបជើងឯកទ្វីបអឺរ៉ុប១៣សម័យ បានដាក់សំណើរតម្លៃខ្លួនដល់ទៅជាង ២០០ លានផោនដើម្បីចុះហត្ថលេខា​លើខ្សែ​ប្រយុទ្ធ​វ័យ ២២ ឆ្នាំរូបនេះ ប៉ុន្តែក្រុមយក្សបារាំងបានត្រឹមតែឆ្លើយបដិសេធចំពោះសំណើរខាងលើនេះ ខណៈដែលReal Madridនៅតែមិនបោះបង់ ហើយត្រៀមប្រជែងដេញថ្លៃយករូបគេជាលើកទី២នៅរដូវកាល ។

ប្រភពពីសារព័ត៌មានបារាំង Le Parisian បានចុះផ្សាយថាៈក្រុមលោកMauricio Pochettino  បានផ្តល់ប្រាក់ឈ្នួលប្រមាណ ៤៥ លានផោន​ក្នុង​មួយឆ្នាំ​ដើម្បីបន្តការស្នាក់នៅ ជាមួយក្លឹបបានជាច្រើនរដូវកាលទៀត។ មានន័យថាចំនួនខាងលើគឺជាប្រាក់ពលកម្ម​នឿយ​ហត់ថ្លៃបំផុត បំផុតនៅលើពិភពលោកដោយឈាន មុខកំពូលខ្សែប្រយុទ្ធកាន់ឆ្នាំដ៏ល្បីល្បាញរបស់ពិភពលោកដែលកំពុង​មានវត្តមាននៅ​លីក​កំពូលពីរផ្សេងគ្នាគឺកីឡាករ Cristiano Ronaldo និង Lionel Messi ទៅទៀត។ ទោះយ៉ាងណាខ្សែប្រយុទ្ធ​សញ្ជាតិបារាំង​ដែល​នៅមានមានអនាគតវែងឆ្ងាយរូបនេះបានបដិសេធចោលទឹកប្រាក់ដ៏ច្រើនសន្ធឹកសន្ធាប់ ហើយបន្តស្រវ៉ាប់ចាប់ក្តីស្រមៃចង់ផ្លាស់ទៅកាន់​កីឡា​​ដ្ឋានSantiago Bernabeu នាពេលខាងមុខនេះអោយខាងតែបាន៕

ប្រភពព័ត៍មាន៖ Sportskeeda