បរទេស៖ លោក Ole Gunnar Solskjaer លោក Solskjaer បានប្រាប់ទូរទស្សន៍ Sky Sports ថាការពិតវត្តមានរបស់គាត់ (Ronald0) បានធ្វើឱ្យក្រុមមានភាពខុសប្លែកគ្នារួចទៅហើយ។

ប៉ុន្តែជាការពិតយើងនៅមាន​ពេលវេលាវែងឆ្ងាយទៀត​សម្រាប់​រដូវកាល​នេះគាត់ចង់លេងឱ្យបានច្រើនតាម​តែអាច​ធ្វើទៅបានប៉ុន្តែខ្ញុំមិនគិតថាវាអាចទៅរួចទេ។។ការលើកឡើងរបស់​គ្រូបង្វឹកក្រុម​បិសាច​ក្រហម Man. Utd កើតមានឡើងបន្ទាប់ពីបាន​ទុកឱ្យខ្សែប្រយុទ្ធជើងចាស់វ័យ៣៦ឆ្នាំសម្រាកមិនអោយ​ចូល​លេង​​ក្នុង​ព្រឹត្តការណ៏បរាជ័យក្នុងការប្រកួតជុំទី ៣ពានរង្វាន់ធំទី៣នៅអង់គ្លេសគឺ Carabao Cup ពេលចាញ់ក្រុមភ្ញៀវWest Ham ។ ខ្សែបម្រើអន្តរជាតិអាហ្សង់ទីនកីឡាករ Manuel Lanzini មានឪកាសរកបានគ្រាប់បាល់បញ្ចូលទីខណៈអ្នកចាំទី  Dean Henderson មិនអាចសង្គ្រោះបាល់បាននៅនាទីទី៩ នាកីឡាដ្ឋាន Old Trafford។

មានន័យថាជ័យជំនះនេះ បាននាំ​អោយ​ក្រុមលោកDavid Moyes និងត្រូវឡើងទៅធ្វើការប្រកួតនៅ នៅជុំទី ៤ ដោយត្រូវជួបជាមួយក្រុម ការពារតំណែង​ជើង​ឯក​Man. City ។លោក Solskjaer ក៏បានធ្វើការផ្លាស់ប្តូរសមាសភាពកីឡាករក្នុងជម្រើស ១១ នាក់ក្រោយផ្តួលWest Ham កាលពី​ថ្ងៃអាទិត្យនៅ Premier League ដោយដាក់អោយកីឡាករមានដូចជាៈ Alex Telles, Donny van de Beek, Anthony Martial និង Jesse Lingard បង្ហាញខ្លួន។ ទោះយ៉ាងណាRonaldo និងត្រៀមលក្ខណៈបង្ហាញខ្លួនសម្រាប់ការប្រកួត៣ថ្ងៃបន្ទាប់នៅពេលដែលក្រុមMan.Utd និងបើក ទ្វារកីឡាដ្ឋានOld Trafford ទទួលស្វាគមន៏ក្រុម Aston Villa វេលាម៉ោង៦:៣០នាទីនាថ្ងៃសៅរ៏ទី២៥ កញ្ញា ២០២១ខាងមុខនេះ៕

ប្រភពព័ត៍មាន៖ Metro