បរទេស៖ ក្លិបតោខៀវ Chelsea បានទទួលនូវការបន្ធូរបន្ថយបន្ថែមទៀត លើលក្ខខណ្ឌនានា ដែលត្រូវបានដាក់ដោយរដ្ឋាភិបាលចក្រភពអង់គ្លេស ក្រោយពីការដាក់ទណ្ឌកម្មលើលោក Roman Abramovic ដោយបច្ចុប្បន្ន ក្លិបនេះ ត្រូវបានអនុញ្ញាតឲ្យលក់សំបុត្រឲ្យអ្នកគាំទ្ររបស់ខ្លួន សម្រាប់ការប្រកួតក្រៅដីហើយ។
ប៉ុន្តែ Chelsea នឹងមិនទទួលបានប្រាក់ដែលប្រមូលបានពីការលក់សំបុត្រ ឬពីសំបុត្រដែលត្រូវបានលក់នៅកីឡដ្ឋាន Stamford Bridge សម្រាប់អ្នកគាំទ្រក្រុមភ្ញៀវឡើយ ស្របពេលដែលការលក់សំបុទ្រឲ្យអ្នកគាំទ្ររបស់ក្រុមភ្ញៀវ ក៏ត្រូវបានអនុញ្ញាតផងដែរ។ ផ្ទុយទៅវិញ ប្រាក់ចំណូលនេះ នឹងត្រូវធ្លាក់ទៅលើដៃរបស់គូប្រកួតរបស់ Chelsea និងគណៈកម្មការរៀបចំការប្រកួត ក្នុងនោះរាប់បញ្ចូលទាំងក្របខ័ណ្ឌ Premier League និងរដ្ឋាភិបាល ផងដែរ។ អ្នកគាំទ្ររបស់ Chelsea នឹងមិនអាចទិញសំបុត្រសម្រាប់ការប្រកួតលើទឹកដីខ្លួនឯង ដើម្បីទស្សនាការប្រកួតរបស់ក្រុមបុរសឡើយ ប៉ុន្តែ ផ្លាស់ប្តូរបម្រាមនានានេះ នឹងបន្ធូរបន្ថយភាពមិនច្បាស់នាពេលបច្ចុប្បន្នជុំវិញអ្នកគាំទ្រ។
ការកែសម្រួលអាជ្ញាបណ្ណទូទៅដើម្បីរៀបចំការប្រកួតនានានេះ ត្រូវបានចេញដោយការិយាល័យប្រតិបត្តិការដាក់ទណ្ឌកម្មផ្នែកហិរញ្ញវត្ថុ កាលពីរាត្រីថ្ងៃពុធ ហើយរដ្ឋមន្ត្រីកីឡាលោក Nigel Huddleston ការផ្លាស់ប្តូរនេះត្រូវបានធ្វើឡើង ស្របតាមការស្នើរបស់អ្នកគាំទ្រ៕
ប្រភពព័ត៌មាន៖ The Guardian
