ខ្សែរប្រយុទ្ធឆ្នើម Lionel Messi របស់ក្រុម FC Barcelona នឹងចំណាយពេល៣ថ្ងៃដើម្បីទៅទីលានហ្វឹកហាត់របស់ក្លឹបយក្សអេស្ប៉ាញ Real Madrid នៅសប្ដាហ៍ក្រោយ។
មូលហេតុនៅពីក្រោយការហ្វឹកហាត់នេះដោយសារតែសហព័ន្ធបាល់ទាត់អាហ្សង់ទីនមើលរំលងទីលាន Atletico ហើយ សម្រេចរើសយកទីលាន Real Madrid ដើម្បីឲ្យជម្រើសជាតិហ្វឹកហាត់ត្រៀមប៉ះអេស្ប៉ាញសម្រាប់ជំនួបមិត្តភាពកម្ដៅសាច់ដុំ។
ខ្សែប្រយុទ្ធវ័យ៣០ឆ្នាំទំនងជាអាចជួបផ្ទាល់ជាមួយលោក Zinédine Zidane និងកីឡាករ Real មិនជាប់កាតព្វកិច្ចជម្រើសជាតិមួយចំនួនទៀតដែលប្រចាំការនៅទីនោះ។
អាហ្សង់ទីននឹងប៉ះជម្រើសជាតិអ៊ីតាលីនៅកីឡដ្ឋាន Etihad ក្នុងថ្ងៃសុក្រ មុនពេលបន្តប៉ះអេស្ប៉ាញនៅកីឡដ្ឋាន Wanda Metropolitano ថ្ងៃទី២៧ ខែមិនា៕
